ಆಕೆಯ ನಿಷ್ಠೆ ನಮಗೆ ಪಾಠವಾಗಲಿ...

ಸೂಕಿ ಬಿಡುಗಡೆ ಅಲ್ಲಿನ ಜನರಲ್ಲಿ ಮತ್ತೇ ಹೊಸ ನೇಸರನ ಆಶಾಕಿರಣ ಮೂಡಿಸಿದೆ. ವಿಶ್ವದ ಅತಿ ಪುರಾತನ ಪ್ರಜಾಪ್ರಭುತ್ವ ರಾಷ್ಟ್ರ ಭಾರತ, ಅಮೆರಿಕ ಹಾಗು ಬ್ರಿಟನ್‌ ದೇಶಗಳು ಹಲವಾರು ಬಾರಿ ಬರ್ಮಾ ಸೇನಾ ಸರ್ಕಾರಕ್ಕೆ ಸೂಕಿ ಬಿಡುಗಡೆ ಮಾಡುವಂತೆ ಒತ್ತಾಯಿಸಿದ್ದರೂ ಒಪ್ಪದಿದ್ದ ಜನರಲ್‌ ಥಾನ್‌ ಶ್ವೇಗೆ ಈಗ ಜ್ಞಾನೋದಯವಾಗಿದೆ.
ಬುದ್ಧ ನಡೆದ ನೆಲದಲ್ಲಿ ಇನ್ನಾದರೂ ಶಾಂತಿ ನೆಲಸಲಿ....


ಆಕೆ ಬಯಸಿದ್ದರೆ ಗಂಡ-ಹಾಗೂ ಇಬ್ಬರ ಮಕಕ್ಳ ಜತೆಗೂಡಿ ಯಾರೂ ಕಂಡರಿಯದ ಬಾಳು ಬಾಳಬಹುದಿತ್ತು. ಆದರೆ ಆಕೆಯ ದೇಶ ನಿಷ್ಠೆ ಅವಳ ಸಂಸಾರಕ್ಕಿಂತ ದೊಡ್ಡದಾಗಿತ್ತು.

ಕೋಟಿಗಟ್ಟಲೆ ಲೂಟಿ ಮಾಡಿ ನಕಲಿ ದೇಶನಿಷ್ಠೆ ತೋರಿಸುವ ನಮ್ಮ ರಾಜಕಾರಣಿಗಳ ನಡುವಲ್ಲಿ, ನಮ್ಮ ಪಕ್ಕದ ಮನೆಯ ಆಂಗ್‌ ಸಾನ್‌ ಸೂಕಿ 15 ವರ್ಷಗಳ ಕಾಲ ಗೃಹ ಭಂಧನ ಅನುಭವಿಸಿ ನವೆಂಬರ್ 13 ರಂದು ಬಿಡುಗಡೆಯಾಗಿದ್ದಾಳೆ. ಆಕೆ ಗೃಹ ಬಂಧನ ಅನುಭವಿಸಿದ್ದು ಆಕೆ ಮಾಡಿದ ತಪ್ಪಿಗಾಗಿ ಅಲ್ಲ. ಬರ್ಮಾ ಎಂಬ ಪುಟ್ಟ ದೇಶದ ಜನರಿಗಾಗಿ. ಅಲ್ಲಿನವರ ಕನಸಿಗಾಗಿ.
ಬದುಕು
ಬರ್ಮಾ ದೇಶ ಕಂಡ ನೈಜ ನಾಯಕ ಆಂಗ್‌ ಸಾನ್‌ರ ಮಗಳು ಈಕೆ. 1945 ಜೂನ್‌ 19ರಂದು ಜನನ. ಹುಟ್ಟಿದ ಎರಡು ವರ್ಷಕ್ಕೆ ಈಕೆಯ ಅಪ್ಪನ್ನನ್ನು ಕೊಲೆ ಮಾಡಲಾಯಿತು. ಪಿತಾಮಹನೇನೂ ಕಣ್ಮರೆಯಾದ ಆದರೆ ಆತನ ಸ್ಥಾನವನ್ನು ಸಮರ್ಥವಾಗಿ ಸೂಕಿ ತುಂಬಿದಳು. ಹಾಗಂತ ಸೂಕಿಗೆ ರಾಜಕಾರಣ ಇಷ್ಟವಂತಲ್ಲ. ಪ್ರಜಾಪ್ರಭುತ್ವ ಇಷ್ಟ. ನಮ್ಮ ದೇಶವನ್ನು ನಾವು ಆಳಬೇಕು ಯಾವುದೇ ಸೈನ್ಯಾಧಿಕಾರಿಗಳಲ್ಲ ಎನ್ನುವುದು ಆಕೆಯ ನಿಲುವು, 1972ರಲ್ಲಿ ಮೈಕಲ್‌ ಆರಿಸ್‌ರನ್ನು ಮದುವೆಯಾದ ಆಕೆಗೆ ಅಲೆಗ್ಸಾಂಡರ್ ಹಾಗೂ ಕಿಮ್‌ ಎಂಬ ಇಬ್ಬರು ಗಂಡು ಮಕ್ಕಳಿದ್ದಾರೆ.
1988ರಲ್ಲಿ ನಡೆದ ಘಟನೆ ಆಕೆಯನ್ನು ಬರ್ಮಾದೇಶದ ಬಂಗಾರವನ್ನಾಗಿಸಿತು. ಅಲ್ಲಿನವರೆಗೂ ಇಂಗ್ಲೆಂಡ್‌ನಲ್ಲಿ ಸುಂದರ ಸಂಸಾರದಲ್ಲಿ ಭಾಗಿಯಾಗಿದ್ದ ಆಕೆ ನಂತರ ದೇಶಕ್ಕಾಗಿ ದುಡಿದಳು. ಸಾವಿನಂಚಿನಲ್ಲಿದ್ದ ತಾಯಿಯನ್ನು ಕಾಣಲು ಆಸ್ಪತ್ರೆಗೆ ಬಂದಿದ್ದ ಆಕೆ ಅಲ್ಲಿನ ಜನಸಾಗರ ಕಂಡು ದಂಗಾಗಿ ಹೋಗಿದ್ದಳು..! ಅಪ್ಪನ ಮೇಲೆ ಪ್ರೀತಿ ಇಟ್ಟ ಜನ. ಇಂದು ತಮ್ಮ ದೇಶದಲ್ಲೆ ತಾವೆಣಿಸದ ಬಾಳು ಬಾಳುತ್ತಿದ್ದಾರೆ. ಅಪ್ಪನ ಹಾದಿ ತಾನು ಹಿಡಿಯಬೇಕು ಎಂದು ರಾಜಕೀಯಕ್ಕೆ ಧುಮುಕಿದಳು. ಸೇನಾ ದಬ್ಬಾಳಿಕೆಯಲ್ಲಿ ನಲುಗಿದ್ದ ಜನಕ್ಕೆ ಸೂಕಿ ಆಸರೆಯಾದಳು. ಪ್ರಜಾಪ್ರಭುತ್ವ ಕನಸಾಯಿತು. ನ್ಯಾಷನಲ್‌ ಲಿಗ್‌ ಫಾರ್ ಡೆಮಾಕ್ರಸಿ ಸೇರಿದಾಗ ರಾಜಕೀಯ ಭವಿಷ್ಯ ನಿಚ್ಚಳವಾಯಿತು. ಶಾಂತಿ ಸಾರಿದ ಗಾಂಧೀಜಿ, ನೆಲ್ಸನ್‌ ಮಂಡೆಲಾ ಗುರುವಾದರು. ಹಾಗೇಯೆ ಗೌತಮ ಬುದ್ಧ...
ಕಣ್ಣೆದುರಿನ ಕೌರ್ಯ
8-8-88 ಕೌರ್ಯದಿಂದ ಈ ಪುಟ್ಟ ದೇಶ ವಿಶ್ವದ ಮನೆಮಾತಾಯಿತು. ಸೇನಾ ಆಡಳಿತದ ಕಣ್ಣಿಗೆ ಸೆಪ್ಟಂಬರ್ 8ರಂದು ಪ್ರತಿಭಟನೆಯಲ್ಲಿ ಸೇರಿದ್ದ 5ಸಾವಿರ ಮಂದಿ ಮನುಷ್ಯರಂತೆ ಕಾಣಲೇ ಇಲ್ಲ. ಮಾನವ ನರಬಲಿ ನಡೆದು ಹೋಯಿತು. ಆದರೆ ಸೇನೆ ಕೆಲವೇ ಜನ ಸತ್ತಿದ್ದು ಎಂದು ಹೇಳಿ ಸುಮ್ಮನಾಯಿತು. ಈ ಘಟನೆಯಿಂದ ಸೇನೆ ಇಕ್ಕಟ್ಟಿನ ಪರಿಸ್ಥಿತಿಗೆ ತಂದುಕೊಂಡಿತು. ಒಲ್ಲದ ಮನಸ್ಸಲ್ಲಿ ಮಹಾ ಚುನಾವಣೆಗೆ ಅಣಿ ಮಾಡಿತು. ಅಂದಿನ ಚುನಾವಣೆಯಲ್ಲಿ ನ್ಯಾಷನಲ್‌ ಲೀಗ್‌ ಫಾರ್ ಡೆಮಾಕ್ರಸಿ ಸ್ಪಷ್ಟ ಬಹುಮತ ಪಡೆದಾಗ ಸೂಕಿ ಬರ್ಮಾ ಜನರಿಗೆ ಮಹಾನ್‌ ನಾಯಕಿಯಾಗಿ ಬೆಳೆದಿದ್ದಳು. ಸೂಕಿ ಎಂದರೆ ಎನ್‌ಎಲ್‌ಡಿ ಎಂಬಂತಾದಾಗ ಸಹಜವಾಗಿ ಸೇನೆಯ ಕಣ್ಣು ಈಕೆಯ ಮೇಲೆ ಬಿದ್ದಿತು. ಅಲ್ಲಿನ ಸೇನಾ ಮುಖ್ಯಸ್ಥ ಜನರಲ್‌ ಥಾನ್‌ ಶ್ವೇ ಚುನಾವಣಾ ಫಲಿತಾಂಶಕ್ಕೆ ಮಾನ್ಯತೆ ನೀಡಲಿಲ್ಲ. ಸೂಕಿ ಎಲ್ಲಕ್ಕೂ ಕಾರಣ ಎಂದಾಗ ಅವಳನ್ನು ಗೃಹ ಬಂಧನದಲ್ಲಿರಸಲಾಯಿತು. ಅಲ್ಲಿಂದ ಇಲ್ಲಿಯವೆರೆಗೂ ಒಟ್ಟು ಮೂರು ಬಾರಿ ಸೂಕಿ ಗೃಹ ಬಂಧನ ಅನುಭವಿಸಿದ್ದಾಳೆ.
ನಂತರ ದಿನಗಳಲ್ಲಿ ಸೇನೆಯ ದಾರ್ಷ್ಟ್ಯ ಮುಂದುವರೆಯಿತು. 1989ರಲ್ಲಿ ಬರ್ಮಾ ಮಯನ್ಮಾರ್ ಆಯಿತು. ಅಲ್ಲಿಯವರೆಗೂ ರಂಗೂನ್‌ ಆಗಿದ್ದ ರಾಜಧಾನಿ ಯಾಂಗೂನ್‌ ಆಗಿ ಬದಲಾಯಿತು. ಸೇನೆ ನ್ಯಾಯಯುತವಾಗಿ ನಡೆದುಕೊಂಡಿದ್ದರೆ ಸೂಕಿ ಯಾವಾಗಲೂ ಬಂಧಮುಕ್ತಳಾಗಬೇಕಿತ್ತು. ಅದು ಅವರ ಜಾಯಮಾನವಾಗಿರಲಿಲ್ಲ, 2009 ಆಗಸ್ಟ್ 11ರಂದು ಸೂಕಿ ಬಿಡುಗಡೆಯನ್ನು 18 ತಿಂಗಳು ಮುಂದಕ್ಕೆ ಹಾಕಿದಾಗ ಸಹಜವಾಗಿಯೇ ಬರ್ಮಾದಲ್ಲಿ ಪ್ರತಿಭಟನೆಗಳಾದವು.
ಗಟ್ಟಿಗೊಳಿಸಿದ ಮಾತು
ಗೃಹ ಬಂಧನದಲ್ಲಿ ಆಕೆಯನ್ನು ನೋಡಿಕೊಳ್ಳಲು ಇಬ್ಬರು ದಾದಿಯರಿದ್ದರು. ಮೊಬೈಲ್‌, ಇಂಟರ್ನೆಟ್‌ ನಂತಹ ಯಾವುದೇ ಸೌಲಭ್ಯಗಳು ಆಕೆಗಿಲ್ಲ. ಅಕ್ಷರಶಃ ಜೈಲಿಗಿಂತ ಕಡೆಯ ಬಾಳು ಆಕೆಯದಾಗಿತ್ತು. ಸೂಕಿಯದು ಶಾಂತಿಯುತ ಹೋರಾಟ ಹಾಗಾಗಿಯೇ ಸೇನಾಧಿಕಾರಿಗಳಿಗೆ ಗೃಹಬಂಧನಕ್ಕಿಂತ ಹೆಚ್ಚಿನ ಮಟ್ಟಿಗಿನ ಶಿಕ್ಷೆ ನೀಡಲಾಗಲಿಲ್ಲ. ಅಹಿಂಸೆಯನ್ನು ಧ್ಯೇಯವನ್ನಾಗಿಟ್ಟುಕೊಂಡ ಸೂಕಿ ಮನಸ್ಸಿನ ಮೇಲೆ ಹಲವು ಘಟನೆಗಳು ಪ್ರಭಾವ ಬೀರಿವೆ. "ನನಗೆ ಬೌದ್ಧ ವಿಹಾರಗಳನ್ನು ನೊಡುವುದೆಂದೆರೇ ಭಾರಿ ಖುಷಿ''. 40 ವರ್ಷಗಳ ಹಿಂದೆ ಒಂದು ಬೌದ್ಧ ವಿಹಾರಕ್ಕೆ ಹೋಗಿದ್ದಾಗ ಅಲ್ಲಿದ್ದ ಮಾತು ಆಕೆಯ ಮನಸ್ಸಲ್ಲಿ ಅಚ್ಚಳಿಯದೇ ಉಳಿಯಿತಂತೆ.'' ಜೀವನದಲ್ಲಿ ಒಂದೊಂದು ಕ್ಷಣವೂ ನಿನ್ನನ್ನು ಹೆದರಿಸುವ ಪ್ರಯತ್ನಗಳಾದಾಗ ಭಯಪಡಬೇಡ. ಹಾಗಂತ ಭಯವೇ ಇಲ್ಲದಿರುವುದಿಲ್ಲ. ನಿನ್ನನ್ನು ಹೊಗಳಿದಾಗ ಸಂಭ್ರಮಿಸಬೇಡ. ಹಾಗೆಂದು ನಿನ್ನ ಸಂತೊಷಗಳನ್ನು ಕಳೆದುಕೊಳ್ಳಬೇಡ'' ನನ್ನ ಯಶಸ್ಸಿಗೆ ಇದೇ ಸೂತ್ರ ಎಂದು ಆಕೆ ಹೇಳಿಕೊಂಡಿದಾ್ದಳೆ.
ಈಕೆಯ ಶಾಂತಿಯುತ ಹೋರಾಟಕಾಕ್ಗಿ ಪ್ರತಿಷ್ಠಿತ ನೊಬೆಲ್‌ ಶಾಂತಿ ಪ್ರಶಸ್ತಿ ಸಹ ದೊರೆತಿದೆ.

ಇದೀಗ ದೇಶದ ಸಾವಿರಾರು ಜನತೆಯ ನೀರಿಕ್ಷೆಗಳು ನಿಜವಾಗಿದೆ. ನಮಗೆ ನಮ್ಮದೊಂದು ಬದುಕು ನೀಡುವ ಸಲುವಾಗಿ ತನ್ನ ಸುಂದರ ಬದುಕನ್ನೆ ಕಲ್ಲಾಗಿಸಿಕೊಂಡ ಆಕೆಯ ಮೇಲೆ ಅಲ್ಲಿನ ಜನರಿಗೆ ಪ್ರೀತಿ ಇದೆ ಅದಕ್ಕಿಂತ ಹೆಚ್ಚಾಗಿ ಮಮತೆ ಇದೆ. 1999ರಂದು ಆಕೆಯ ಪತಿ ನಿಧನರಾದಾಗಲೂ ಆಕೆ ಗೃಹ ಬಂಧನದಲ್ಲಿದ್ದಳು. ಬಿಡುಗಡೆಯಾಗಿರುವ ಆಕೆ ಇಂಟರ್ನೆಟ್‌ ಹೊಂದುವ ಆಸೆ ವ್ಯಕ್ತಪಡಿಸಿದ್ದಾಳೆ. 65 ವರ್ಷದ ಆಕೆ ಟ್ವೀಟರ್ ನಲ್ಲಿ ಟ್ವೀಟ್‌ ಮಾಡುವ ಬಯಕೆ ವ್ಯಕ್ತಪಡಿಸಿದ್ದಾಳೆ. ಆ ಮೂಲಕ ದೇಶದ ಜನತೆಯನ್ನು ಸಂಪರ್ಕಿಸುವ ಆಸೆ ಹೊಂದಿದ್ದಾಳೆ. ಮತ್ತೆ ಪ್ರಜಾಪ್ರಭುತ್ವಕ್ಕಾಗಿ ದನಿ ಎತ್ತುವ ಹಂಬಲದಲ್ಲಿದ್ದಾರೆ. ಒಂದಂತೂ ಸತ್ಯ ಆಕೆಯ ದೇಶನಿಷ್ಠೆ ಸಾಮಾನ್ಯವಾದುದಂತು ಅಲ್ಲ ಅವಳ ಆ ನಿಷ್ಠೆ ನಮಗೆಲ್ಲ ಮಾದರಿ ಆಗಬೇಕು.
ಸೇನಾ ಆಳ್ವಿಕೆಯಲ್ಲಿ ಕಂಗೆಟ್ಟು ಹೊಗಿದ್ದ ಬರ್ಮಾ ಒಡಲಲ್ಲಿ ಮತ್ತೆ ಪ್ರಜಾಪ್ರಭುತ್ವದ ಕನಸುಗಳು ಮೊಳಕೆಯೊಡೆದಿದೆ. ಸೂಕಿ ಬಿಡುಗಡೆ ಅಲ್ಲಿನ ಜನರಲ್ಲಿ ಮತ್ತೇ ಹೊಸ ನೇಸರನ ಆಶಾಕಿರಣ ಮೂಡಿಸಿದೆ. ವಿಶ್ವದ ಅತಿ ಪುರಾತನ ಪ್ರಜಾಪ್ರಭುತ್ವ ರಾಷ್ಟ್ರ ಭಾರತ, ಅಮೆರಿಕ ಹಾಗು ಬ್ರಿಟನ್‌ ದೇಶಗಳು ಹಲವಾರು ಬಾರಿ ಬರ್ಮಾ ಸೇನಾ ಸರ್ಕಾರಕ್ಕೆ ಸೂಕಿ ಬಿಡುಗಡೆ ಮಾಡುವಂತೆ ಒತ್ತಾಯಿಸಿದ್ದರೂ ಒಪ್ಪದಿದ್ದ ಜನರಲ್‌ ಥಾನ್‌ ಶ್ವೇಗೆ ಈಗ ಜ್ಞಾನೋದಯವಾಗಿದೆ.
ಬುದ್ಧ ನಡೆದ ನೆಲದಲ್ಲಿ ಇನ್ನಾದರೂ ಶಾಂತಿ ನೆಲಸಲಿ....

ಪ್ರಕಟವಾದ ದಿನದ ವಿಶೇಷ ಪೇಜ್ ನ ಲಿಂಕ್ ಇಲ್ಲಿದೆ...

http://www.hosadigantha.in/epaper.php?date=11-15-2010&name=11-15-2010-7